DeRobert & The Half-Truths + MRCY

Abono 5 día Sala Capitol:59€ (+gx) para os 70 primeiros65€ (+gx) para o resto Entradas concertos Sala Capitol:24€ (+gx) en venda anticipada28€ na billeteira da sala Entradas físicas:A Reixa-Matrioska DeRobert & The Half-TruthsNunha cidade coñecida en todo o mundo como o berce da música country, DeRobert & The Half-Truths crearon un lugar para si mesmos, como os portadores da bandeira do Nashville soul. Cun son que bebe do soul, o funk, o rock e outras influencias contemporáneas, a banda constrúe un universo propio no que cada canción conta unha historia e conecta co público desde a honestidade. Os temas recorrentes da pobreza, a angustia, e a loita perpetua para manterse economicamente a flote, reflíctense nas cancións desta formación. Preséntanse no Outono Códax cun visceral directo que electrifica o escenario, grazas a uns ventos afilados e seccións rítmicas hipnóticas, rescatando a esencia do xénero sen caer na nostalxia baleira. Sobre o escenario desatan un auténtico remuíño de funk, demostrando que o soul clásico pode seguir soando urxente, vibrante e absolutamente actual. Unha descarga de enerxía pura que conecta as raíces do groove cos nosos días. MRCYProcedentes de diferentes puntos de Inglaterra e culturas dispares, o produtor Barney Lister e o vocalista Kojo Degraft-Johnson, uníronse como MRCY, conquistando de seguido a escena musical cunha proposta que mestura soul contemporáneo, R&B, gospel e influencias do jazz cunha elegancia pouco común. O proxecto destaca pola combinación de melodías cálidas, arranxos coidados e letras que exploran a identidade, o amor e a esperanza. Cun son que bebe da tradición sen renunciar á modernidade, MRCY ofrece cancións intensas e luminosas, capaces de conectar tanto coa emoción máis íntima como coa enerxía do directo. outonocodaxfestival.com