JONDE E ENSEMBLE MODERN III

JONDE E ENSEMBLE MODERN

PROGRAMA

Rebecca Saunders (1967). Stirrings still II, para frauta, óboe, clarinete, contrabaixo, percusión e piano (2008)

Sofia Gubaidulina (1931-2025) Quasi hoquetus, para viola, fagot e piano (1985)

Nina Šenk (1982) Movimiento fluido, para frauta alto, violonchelo e piano (2007)

Chaya Czernowin (1957) Lovesong, para frauta, óboe, clarinete, violín, viola, violonchelo, percusión e piano (2010)

Ursula Mamlok (1923-2016) Girasol, sexteto para frauta, clarinete, violín, viola, violonchelo e piano (1990)

---

Máis que desenvolver un discurso, as pezas deste programa invitan a habitar un espazo. O son deixa de entenderse como unha sucesión de acontecementos para adquirir corpo, textura, profundidade... transformándose diante do oínte. A escoita vólvese así unha experiencia, na que o espazo, o silencio e a resonancia participan da composición con tanta intensidade como o ritmo, a melodía ou a harmonía. Rebecca Saunders modela esculturas acústicas nas que os sons dialogan coa arquitectura e mentres Gubaidulina fai da interrupción, do contraste e da cor tímbrica un vehículo de intensa expresividade, Nina Šenk procura un movemento continuo no que a música flúe entre equilibrio e transformación. Czernowin concibe o son como unha experiencia sensorial que transcende o audible para incorporar dimensións físicas e emocionais e Ursula Mamlok alcanza unha extraordinaria densidade expresiva mediante a economía de medios e a metamorfose dun material reducido. A pesar da diversidade das súas linguaxes, estas creadoras comparten a construción dun espazo vivo no que cada xesto, cada silencio e cada resonancia modifican a percepción do tempo e transforman a experiencia do público.